அதிராம்பட்டினம் லயன்ஸ் சங்கம் இம்மாதம் 17ஆம் தேதி முதல் தொடர் சேவை திட்டங்களை செய்து வருகிறது. அதன் 9வது நிகழ்வாக அதிரையை அடுத்த ராஜாமடம் அண்ணா பல்கலைக்கழக கலையரங்கத்தில் கல்லூரி மாணவர்களுக்கான தலைமைப்பண்பு பயிலரங்கம் இன்று 27.09.2018 வியாழக்கிழமை நடைபெற்றது.
இந்நிகழ்விற்கு அதிரை லயன்ஸ் சங்க தலைவர் பேரா.எம்.ஏ.அப்துல்காதர் தலைமை வகித்தார். கல்லூரியின் இயந்திரவியல் துறைத்தலைவர் பேரா.கார்த்திகேயன் வரவேற்புரை நிகழ்த்தினார். காதிர்முகைதீன் கல்லூரி பேராசிரியர் கே.செய்யது அகமதுகபீர் பயிலரங்கின் பயிற்றுனராக சிறப்புரையாற்றினார்.
விழாவில் 300 க்கும் மேற்ப்பட்ட பல்கலைக்கழக மாணவர்கள் கலந்து கொண்டு பயிற்சி பெற்றனர். விழாவில் லயன்ஸ் சங்க பொறுப்பாளர்கள் சூப்பர் அப்துல்ரஹ்மான், அப்துல்ஜலில்தீன், சாராஅகமது ஆகியோர் கலந்துகொண்டு சிறப்பித்தனர். இறுதியாக லயன் ஆறுமுகசாமி நன்றி கூறினார்.
