திமுக தலைமையிலான மதச்சார்பற்ற முற்போக்கு கூட்டணியில் உள்ள கட்சிகளுடன் கடந்த சில நாட்களாக நடைபெற்று வந்த தொகுதி பங்கீடு பேச்சுவார்த்தை நேற்று நிறைவடைந்து தொகுதி பங்கீடு முடிக்கப்பட்ட நிலையில், எந்த கட்சிக்கு எந்த தொகுதிகளை ஒதுக்குவது என்பன குறித்த பேச்சுவார்த்தை இன்று முதல் நடைபெற்று வருகிறது.
ஏற்கனவே மதிமுகவுக்கு 6 தொகுதிகள், ஆதித்தமிழர் பேரவைக்கு 1 தொகுதி, அகில இந்திய பார்வர்டு பிளாக் கட்சிக்கு 1 தொகுதி, மக்கள் விடுதலை கட்சிக்கு 1 தொகுதி என ஒதுக்கீடு செய்யப்பட்டிருந்தது.
அதன்படி மதிமுக மதுராந்தகம், வாசுதேவநல்லூர், சாத்தூர், அரியலூர், மதுரை தெற்கு, பல்லடம் ஆகிய தொகுதிகளிலும், அகில இந்திய பார்வர்டு பிளாக் கட்சி உசிலம்பட்டி தொகுதியிலும், ஆதித்தமிழர் பேரவை கட்சி அவிநாசி தொகுதியிலும், மக்கள் விடுதலை கட்சி நிலக்கோட்டை தொகுதியிலும் போட்டியிடுகின்றன. மேலே குறிப்பிடப்பட்ட அனைத்து கட்சிகளும் உதயசூரியன் சின்னத்தில் போட்டியிட இருப்பது குறிப்பிடத்தக்கது.
