திமுக தலைமையிலான மதச்சார்பற்ற முற்போக்கு கூட்டணியில் மனிதநேய மக்கள் கட்சிக்கு பாபநாசம், மணப்பாறை ஆகிய இரண்டு சட்டமன்ற தொகுதிகள் ஒதுக்கீடு செய்யப்பட்டிருந்தது. இந்நிலையில் அந்த இரண்டு தொகுதிகளில் மமக சார்பில் போட்டியிடும் வேட்பாளர்கள் அறிவிக்கப்பட்டுள்ளனர்.
அதன்படி பாபநாசத்தில் மமக தலைவர் பேராசிரியர். ஜவாஹிருல்லாஹ்வும், மணப்பாறையில் மமக பொதுச்செயலாளர் ப. அப்துல் சமதும் வேட்பாளர்களாக போட்டியிடுகின்றனர். இவ்விருவருமே உதயசூரியன் சின்னத்திலேயே போட்டியிடுவதாக அறிவிக்கப்பட்டுள்ளது.
