Friday, June 14, 2024

ஆழ்ந்த உறக்கத்தில் 12வது வார்டு திமுக கவுன்சிலர் : விழித்தெழுவது எப்போது?

Share post:

Date:

- Advertisement -

அதிரையில் உள்ள 12வது வார்டு நடுத்தெரு கீழ்புறம் 3 வது சந்தில் கடந்த 15 ஆண்டுகளுக்கும் மேலாக போடப்பட்ட தார்சாலை முற்றிலும் சேதமடைந்ததோடு, கருங்கற்கள் பெயர்ந்து வெளியே தெரிவதால் போக்குவரத்திற்கும், இவ்வழியே செல்லும் பொதுமக்களுக்கும் மிகுந்த இடையூறு ஏற்படுவது குறித்து வாட்ஸ்அப் போன்ற சமூக வலைத்தளங்கள் மூலம் சாலை வசதி செய்து தர வேண்டும் என இப்பகுதி மக்கள் கோரிக்கை வைத்த வண்ணம் இருக்கின்றனர்.

இது குறித்து கடந்த 6 மாதங்களுக்கு முன் தடதட ரோடால் தடுமாறி விழும் வாகன ஓட்டிகள் : கண்டு கொள்வாரா 12வது வார்டு திமுக கவுன்சிலர்..? என்கிற தலைப்பில் அதிரை எக்ஸ்பிரஸ் செய்தி வெளியிட்டது.

இதனையடுத்து சம்பந்தப்பட்ட 12வது வார்டு கவுன்சிலர் விரைவில் இப்பகுதிக்கு தார்ச்சாலை அமைத்து தருவதாகவும் அதற்கான பணிகள் நடைபெற இருப்பதாகவும் தகவல் வெளியானது. இதனால் நீண்ட நாள் கனவு நிறைவேற போகிறது என்கிற எண்ணத்தில் இருந்த இப்பகுதி மக்களுக்கு மீண்டும் பெருத்த ஏமாற்றமே மிஞ்சியது.

உள்ளாட்சித் தேர்தலுக்கு முன் நான் அதைச் செய்வேன் இதைச் செய்வேன் என வாக்குறுதி கொடுத்து விட்டு ஆமை வேகத்தில் கூட இதுவரை கவுன்சிலர் பணி செய்யாமல் இருப்பது வேதனையளிப்பதாக இப்பகுதி மக்கள் குமுறுகின்றனர்.

இப்பகுதியின் சாலைகளில் உள்ள கற்கள் பெயர்ந்து வெளியே தெரிவதால் சிறு குழந்தைகள், வயதானவர்கள், வாகன ஓட்டிகள் தடுமாறி விழும் சம்பவங்கள் தொடர்ந்து கொண்டிருப்பது 12வது வார்டு கவுன்சிலர் ராலியா சுகைபிற்கு தெரிந்தும் அவர் தெரியாமலிருப்பது கடும் கோபத்தையும் வருத்தத்தையும் தருவதாக இப்பகுதியில் வசிக்கும் 54 வயது மதிக்கத்தக்க ஒருவர் கூறியுள்ளார்.

இப்பகுதியின் நீண்ட நாள் தேவையாக இருக்கும் புதிய தார்ச்சாலை கோரிக்கையை ஆழந்த உறக்கத்தில் இருக்கும் 12வது வார்டு கவுன்சிலர் விழித்தெழுந்து விரைந்து நிறைவேற்றித் தர வேண்டும் என இப்பகுதி மக்கள் கோரிக்கை வைத்துள்ளனர்.

spot_img

அதிகம் பகிரப்பட்டவை

spot_img

More like this
Related

89.5% வாக்குகளை பெற்ற திமுக! உதயநிதியிடம் வாழ்த்து பெற்றார் S.H.அஸ்லம்!!

நடந்து முடிந்த மக்களவை தேர்தலில் தமிழ்நாடு மற்றும் புதுச்சேரியில் உள்ள 40...

பயன்பாட்டிற்கு வருகிறது திருச்சி புதிய பன்னாட்டு விமான முனையம்…!!

திருச்சி புதிய  பன்னாட்டு விமான நிலையத்தை கடந்த ஜனவரி 2ஆம் தேதியன்று...

மரண அறிவிப்பு:- நைனா முகமது அவர்கள்..!!

மரண அறிவிப்பு:- மேலத்தெருவை சேர்ந்த மர்ஹும் (கோவரச) என்கின்ற ஷேக் தாவுது அவர்களின்...

முஸ்லீம் லீக் நாடாளுமன்ற உறுப்பினர்களுக்கு – தஞ்சை மாவட்ட முஸ்லீம் லீக் தலைவர் வாழ்த்து.

மக்களவை தேர்தல் 7 கட்டங்களாக நடைபெற்று இன்று வாக்கு எண்ணிக்கை தொடங்கியது. இதில்...