Saturday, July 20, 2024

நட்சத்திரப் பார்வை(Stargazing)

Share post:

Date:

- Advertisement -

வானில் மின்னும் விண்மீன்கள்
வாழ்த்தும் அழகுக் காட்சிகளை
வேனிற் காலப் பகற்கழிந்து
வீசும் இரவில் கண்டுகொண்டேன்

மின்னல் தோறும் சொல்லுகின்ற
மீளும் காதல் கதைகளைத்தான்
என்னுள் உருகி உணர்கின்றேன்
ஏனோ அறியேன் காரணத்தை

குளித்து மகிழ்ந்த உணர்வுகளை
குவியல் விண்மீன் கூட்டங்கள்
அளித்து என்னை அனுப்பியது
அந்தச் சுகத்தில் கண்ணயர்ந்தேன்

அள்ளித் தெளித்த கோலங்கள்
அழகுக் கலையின் வடிவங்கள்
தெள்ளத் தெளிவாய்ப் பாருங்கள்
தெரியும் இயற்கை ஒவியங்கள்

காணும் போது பால்வீதி
காணக் கிடைத்த பேறென்பேன்
வேணும் வேணும் என்றென்னை
வேட்கை யூட்டும் வெறியென்பேன்

எண்ணி விடவே இயலாத
இந்தக் கூட்டம் அற்புதமே
கண்ணிற் குளிர்ச்சி தருகின்ற
கண்ணில் இட்ட மருந்தாக

நெருங்கிப் பிடிக்க ஆசையுண்டு
நெஞ்சம் ஏங்கித் தவித்தாலும்
அருகில் இல்லை என்றறிந்து
அமைதி கொண்டேன் விண்மீனே

ஆக்கம்:
கவியன்பன் கலாம்

spot_img

அதிகம் பகிரப்பட்டவை

spot_img

More like this
Related

அதிரை வெஸ்டர்ன் கால்பந்து தொடர் : ஆலத்தூரை வீழ்த்தியது மன்னை!

அதிராம்பட்டினத்தில் வெஸ்டர்ன் கால்பந்து கழகம் நடத்தும் 13ம் ஆண்டு மாநில அளவிலான...

அதிரையில் புதிய பள்ளிக்கூட கட்டிடத்தை திறந்து வைத்த முதலமைச்சர்..!!

அதிரையில் நூற்றாண்டு பழமையான  சூனா வீட்டு பள்ளி என்கிற ஊராட்சி ஒன்றிய...

பட்டுக்கோட்டையில் நாளை மின்தடை!

தஞ்சாவூர் மாவட்டம் பட்டுக்கோட்டையில் நாளை மாதாந்திர பராமரிப்பு பணிக்காக மின்தடை செய்யப்படும்...

அதிரையில் நாளை மின்தடை!

தஞ்சாவூர் மாவட்டம் அதிராம்பட்டினத்தில் நாளை மாதாந்திர பராமரிப்பு பணிக்காக மின்தடை செய்யப்படும்...