அதிரை சுற்றுவட்டாரத்திலேயே 24 மணிநேரம் இயங்க கூடிய ஒரே மருத்துவமனையாக ஷிஃபா மருத்துவமனை திகழ்கிறது. குறிப்பாக நள்ளிரவில் அவசர சேவைக்கு சுற்றுவட்டார கிராம மக்கள் அதிரை ஷிஃபா மருத்துவமனையை அணுகுகின்றனர். இந்நிலையில், காவேரி மருத்துவமனையுடன் (ஹார்ட் சிட்டி) இணைந்து இலவச இருதய மருத்துவ முகாமை ஷிஃபா மருத்துவமனை நடத்தியுள்ளது. கடந்த ஞாயிற்றுக்கிழமை நடைபெற்ற இந்த முகாமில் அதிரை மட்டுமல்லாது சுற்றுவட்டார கிராமங்களை சார்ந்த 163 பேர் பங்கேற்று இலவச மருத்துவ பரிசோதனை செய்துக்கொண்டதுடன் சிறப்பு மருத்துவர் T.ஜோசப் MD., DM (Cardio)., DNB (Cardio)., MRCP (Lon)., PDF (Electrophysiology)., Consultant Interventional Cardiologist & Lead Electrophysiologist இலவச ஆலோசனை வழங்கினார். இதனையடுத்து இவரை அதிரை மருத்துவர் ஹக்கீம் பொன்னாடை போற்றி வாழ்த்தினார். இதனிடையே மக்களின் தேவையறிந்து இலவச இருதய சிறப்பு முகாமை நடத்திய ஷிஃபா மற்றும் காவேரி மருத்துவமனைகளின் நிர்வாகத்திற்கு பயனாளிகள் நன்றி தெரிவித்துள்ளனர்.
