கடந்த மூன்று ஆண்டுகளாக சென்னையிலிருந்து ஜித்தா பயணிக்க நேரடி விமான சேவை இல்லாமல், குறிப்பாக புனித உம்ரா செல்வோருக்கு மிகவும் சிரமமாக இருந்து வந்தது. பலமுனை முயற்சிகளுக்குப் பிறகு வருகிற 02/10/2024 தேதியிலிருந்து சவுதியா விமான சேவை சென்னையிலிருந்து ஜித்தாவிற்குத் தொடங்குகிறது.அதன் சிறப்பு நிகழ்ச்சி நேற்று 23/09/2024 சவுதி அரேபியாவின் 94வது தேசிய நாள் என்பதால் சென்னை தேனாம்பேட்டையில் அமையப் பெற்றுள்ள சவுதியா ஏர்லைன்ஸ் நிறுவனத்தில் நேற்று காலை 11:30 மணிக்கு கேக் வெட்டி, இனிப்பு வழங்கி சிறப்பாகக் கொண்டாடப் பட்டது.சவுதியா ஏர்லைன்ஸ் நிறுவன அதிகாரிகள், அலுவலர்கள், பல்வேறு டிராவல்ஸ் நிறுவன உரிமையாளர்கள், வணிகப் பிரமுகர்கள் என ஏராளமானோர் கலந்து சிறப்பித்தனர். வாரந்தோறும் திங்கள், புதன் ஆகிய இரண்டு நாட்களில் சென்னை-ஜித்தா விமான சேவை தொடக்கம் பெறுகிறது. வாரத்தில் மூன்று நாட்களாவது ஜித்தாவிற்கு இது இயக்கப்பட வேண்டும் என்ற எதிர்பார்ப்பு நிலவுகிறது.
