அதிரை கீழத்தெரு அமீரக அமைப்பின் புதிய நிர்வாகிகள் தேர்வு துபாயில்(தேரா பூர்ஜ்முரார்) நேற்று வெள்ளிக்கிழமை நடைபெற்றது.
கூட்டத்திற்கு அமீரக முன்னாள் நிர்வாகி பி.ஓ. பக்கிர் முஹம்மது தலைமை வகித்தார். அமீரக கீழத்தெரு நிர்வாகிகள், முஹல்லாவாசிகள் முன்னிலை வகித்தனர்.
பின்னர் நிதிநிலை அறிக்கையை அமீரக முன்னாள் பொருளாளர் மர்ஜூக் சமர்ப்பித்தார். இதையடுத்து, கடந்த 2019ஆம் ஆண்டு முதல் 2020 மார்ச் வரை கீழத்தெரு அமீரக அமைப்பு ஆற்றிய சேவைகள், செயல்பாடுகள் மற்றும் எதிர்காலத் திட்டங்கள் பற்றி எடுத்துரைக்கப்பட்டன.
மேலும் சிறப்பாக பணியாற்றிய அமீரக அமைப்பினர், கீழத்தெரு நிர்வாகிகள் மற்றும் உறுப்பினர்கள் அனைவருக்கும் நன்றி தெரிவிக்கப்பட்டது.
கூட்டத்தில் கீழத்தெரு அமீரக அமைப்பின் தலைவராக T. ஹைதர் அலி, துணை தலைவராக S. முகமது ரியாஸ்கான், செயலாளராக S. ஹபீப் ரஹ்மான், துணைச் செயலாளராக M. முகைதீன் அப்துல் காதர், பொருளாளராக S. அஹமது ஜவாஹிர், துணை பொருளாளராக K. அல் கலிஃபா ஆகியோர் ஏகமனதாக தேர்வு செய்யப்பட்டனர். இக்கூட்டத்தில் அமீரக வாழ் கீழத்தெரு முஹல்லாவாசிகள் பலர் கலந்துகொண்டனர்.
இறுதியாக கீழத்தெரு அமீரக அமைப்பின் முன்னாள் செயலாளர் K. ஷேக் தாவூது நன்றி தெரிவித்து கூட்டத்தை முடித்து வைத்தார்.
