அதிரையில் சின்னா பின்னமான  வாய்கால்- நகராட்சி தலைவர் வார்டின் அவலம் –  தவறி விழுந்த குழந்தையின் கை முறிவு..!!

அதிராம்பட்டினம் நகராட்சிக்கு உட்பட்ட மேலத்தெரு 10வது வார்டில் கால்வாய் ஒன்று இருந்து வருகிறது.

மேல் மூடி பக்கவாட்டு சுவர் ஏதுமின்றி திறந்த மேனியாகவே இருக்கும் இந்த கால்வாயில்தால் அப்பகுதி மக்களின் கழிவு நீர்கள் செல்கிறது.

கொசுக்கடி துர்நாற்றம் இவைகளை பொறுத்து கொண்ட மக்கள், சமீப காலங்களாக உடற்காயங்களையும் அனுபவித்து வருகிறார்கள், சின்னஞ்சிறு குழந்தைகள் முதியவர்கள் நடமாடும் பகுதியாக உள்ளதால் அப்பகுதி சமூக ஆர்வலர்கள் இதனை நகராட்சி பார்வைக்கு கொண்டு சென்று இருக்கிறார்கள்.

ஆனால் ஏனோ நகராட்சி நிர்வாகம் கண்டும் காணமால் இருந்து வருகிறது. இன்னும் சொல்லப் போனால் நகர் மன்ற தலைவரின் சொந்த வார்டாகவும் உள்ளதால், கூடுதல் முக்கியத்துவம் கொடுத்து நகராட்சி நிர்வாகம் நடவடிக்கை எடுக்க வேண்டும் என 10ஆம் வார்டு மக்கள் கோரிக்கை விடுத்திருக்கின்றனர்.