அதிராம்பட்டினம் லயன்ஸ் சங்கம் மற்றும் மதுரை அரவிந்த் கண் மருத்துவமனை இணைந்து நடத்திய மாபெரும் முழுமையான இலவச கண்புரை அறுவை சிகிச்சை முகாம் இன்று புதன்கிழமை காலை 9 மணிமுதல் மதியம் 2 மணிவரை அதிராம்பட்டினம் சாரா திருமண மண்டபத்தில் நடைபெற்றது.
இம்முகாமை தஞ்சை தெற்கு மாவட்ட திமுக செயலாளரும், பட்டுக்கோட்டை சட்டமன்ற உறுப்பினருமான கா. அண்ணாதுரை தொடங்கி வைத்து சிறப்புரை ஆற்றினார். லயன்ஸ் சங்க தூத்துக்குடி மாவட்ட முன்னாள் ஆளுநர் MJF Lion. JKR. முருகன் வாழ்த்துரை வழங்கினார்.
இம்முகாமை லயன்ஸ் சங்க உறுப்பினர்கள் Ln. அப்துல் ஜலீல், Ln. ஆரிப், Ln. அபு பக்கர், Ln. முஜம்மீல் ஆகியோர் ஒருங்கிணைத்தனர். இதில் 300க்கும் மேற்பட்டோர் பங்கேற்ற நிலையில், சுமார் 80 நபர்களுக்கு கண்புரை கண்டுபிடிக்கப்பட்டு, அவர்கள் இலவச கண்புரை நீக்க அறுவை சிகிச்சைக்காக மதுரை அரவிந்த் கண் மருத்துவமனைக்கு அழைத்து செல்லப்பட்டனர்.
இம்முகாமில் அதிராம்பட்டினம் லயன்ஸ் சங்க தலைவர் Ln. குப்பாஷா M. அஹமது கபீர், செயலாளர் Ln. M. ஹாஜா நசுருதீன், பொருளாளர் Ln. Dr. M. நியாஸ் அஹமது, லயன்ஸ் சங்க முன்னாள் நிர்வாகிகள், உறுப்பினர்கள், பொதுமக்கள் என பலர் கலந்துகொண்டனர்.
