அதிரை SSM குல் முஹம்மது நினைவு மற்றும் இளைஞர் கால்பந்து கழகம் சார்பாக 29 ம் ஆண்டு மாபெரும் எழுவர் கால்பந்து தொடர் போட்டி அதிரை கடற்கரைத் தெரு மைதானத்தில் நடைபெற்று வருகிறது.
இத்தொடரின் 11வது போட்டியான இன்று அதிரை Royal FC – NMFA பொதக்குடி அணிகள் மோதினர். போட்டி ஆரம்பித்ததும் இரு அணியினரும் தங்களது முதலாவது கோலை பதிவு செய்ய முனைப்பு காட்டி கோல் அடிப்பதற்கான வாய்ப்புகள் சமமாக அமைந்த போதிலும், முதல் பகுதி நேர ஆட்ட முடிவு வரை அது முடியாமலே போனது.
இதனையடுத்து இரண்டாவது பகுதி நேர ஆட்டம் ஆரம்பித்த சில நிமிடங்களிலேயே, அதிரை ROYAL FC அணி தனது முதல் கோலை பதிவு செய்து முன்னிலை வகித்தது. சீரான இடைவெளியில் கிடைத்த வாய்ப்புகளையெல்லாம் NMFA பொதக்குடி நழுவ விடுவதை பயன்படுத்திக் கொண்ட அதிரை ROYAL FC அணி, மீண்டும் ஒரு கோலை பதிவு செய்து 2 – 0 என்கிற கோல் கணக்கில் வெற்றி பெற்று அடுத்த சுற்றுக்குள் நுழைந்துள்ளதன் மூலம், இத்தொடரில் 3 அதிராம்பட்டினம் கால்பந்து அணிகளும் அடுத்த சுற்றுக்கு தகுதி பெற்றிருப்பது குறிப்பிடத்தக்கது.
