அதிரை ஃபிரண்ட்ஸ் ஃபுட்பால் அசோசியேஷன் சார்பில் தென்னிந்திய அளவிலான கால்பந்து தொடர் போட்டி கடந்த 20.06.2025 வெள்ளிக்கிழமை AFWA வின் மைதான திறப்பு விழாவோடு துவங்கியது. இதில் தென்னிந்திய அளவில் தலைசிறந்து விளங்கும் வீரர்கள் பல அணிகளில் பங்கு பெற்று விளையாடி வருகின்றனர்.
இத்தொடரின் 16வது போட்டியில் களமிறங்கிய அதிரை AFFA, AFC ஆலத்தூர் அணியை எதிர்கொண்டது. முன்னதாக நேற்று 24.06.2025 நடைபெற்ற இரு அணிகளுக்கிடையேயான போட்டி 1 – 1 என்ற கோல் கணக்கில் சமநிலையில் முடிந்ததால், நடுவர்கள் Re-Match அறிவித்ததையடுத்து இன்று போட்டி மீண்டும் நடைபெற்றது.
விறுவிறுப்பாக துவங்கிய முதல் பகுதி நேர ஆட்டத்தின் நடுவில், அதிரை AFFA அணி வீரர் செய்த தேவையற்ற தவறால், ஆலத்தூர் அணிக்கு Penalty Kick வாய்ப்பு கிடைத்தது. தக்க சமயத்தில் கிடைத்த வாய்ப்பை நன்கு பயன்படுத்திக் கொண்ட ஆலத்தூர் அணி தனது முதல் கோலை அடித்து முன்னிலை பெற்றது. இருப்பினும் முதல் பகுதி நேர அட்டம் முடிவடைவதற்குள், அதிரை AFFA அணி வீரர்களின் அசத்தலான Pass க்கு கிடைத்த பலனாக கிடைத்த வாய்ப்பை AFFA அணி கோலாக மாற்றியது. இதனால் முதல் பகுதி நேர ஆட்ட முடிவில் இவ்விரு அணிகளும் 1 – 1 கோல் கணக்கில் சமநிலையில் இருந்தனர்.
இதன்பின்னர் நடைபெற்ற இரண்டாவது பகுதி நேர ஆட்டத்தில், இரு அணிகளும் அடுத்த கோலுக்கான வாய்ப்புகளில் மும்முரம் காட்டினர். இருப்பினும், சீரான இடைவெளியில் AFFA அணிக்கு கிடைத்த வாய்ப்பை பயன்படுத்தி கோலுக்ககாக AFFA அணி வீரர் Kick செய்த போது, அதனை தடுக்க முயன்ற ஆலத்தூர் அணி வீரரின் முயற்சி பலனளிக்காமல் Own Side கோலாக AFFA வுக்கு மாறியதும் AFWA அரங்கமே ரசிகர்களின் கரவொலிகளால் அதிர்ந்தது.
இறுதியில் 2 – 1 என்கிற கோல் கணக்கில் அதிரை AFFA அணி ஆலத்தூரை வீழ்த்தி தனது வெற்றிக்கணக்கை துவங்கியுள்ளது.
