அதிரை வெஸ்டர்ன் கால்பந்து கழகம்(WFC) சார்பில் 13 மற்றும் 16 வயதிற்குட்பட்டோருக்கான கால்பந்து தொடர் தனித்தனியாக அதிரை WFC மைதானத்தில் நடைபெற்றது.
இதில் 16 வயதிற்குட்பட்டோருக்கான பிரிவில் அதிரை WFC, ராயல் FC, AFFA, கோட்டைப்பட்டினம், மதுக்கூர், புதுக்கோட்டை, ராமநாதபுரம் உள்ளிட்ட பல்வேறு ஊர்களைச் சேர்ந்த அணிகள் பங்கேற்றன.
இதில் நேற்று நடைபெற்ற இறுதிப்போட்டியில் அதிரை ராயல் FC அணியும் சேதுபதி கால்பந்து கழகம் ராம்நாடு அணியும் மோதின. இதில் சிறப்பாக விளையாடி ட்ரைபிரேக்கர் முறையில் அதிரை ராயல் FC அணி 5-4 என்ற கோல் கணக்கில் சேதுபதி கால்பந்து கழகம் ராம்நாடு அணியை வீழ்த்தி வெற்றி பெற்றது.
இதனையடுத்து சாம்பியன் பட்டம் வென்ற அதிரை ராயல் FC அணிக்கு பதக்கங்களும் சுழற்கோப்பையும் வழங்கப்பட்டது.
