- Advertisement -
அதிரை சி.எம்.பி லைனில் பிரதான சாலை அமைக்கும் பணி நாளை துவங்குகிறது. காலை 10.30 மணிக்கு நடைபெறும் துவக்க விழாவில் பட்டுக்கோட்டை சட்டமன்ற உறுப்பினர் கா.அண்ணாதுரை பங்கேற்று சாலை அமைக்கும் பணியை துவக்கி வைக்க உள்ளார். இதுகுறித்து வீடியோ வெளியிட்டிருக்கும் அதிரை முன்னாள் சேர்மனும் தஞ்சை தெற்கு மாவட்ட திமுக பொருளாளருமான எஸ்.எச்.அஸ்லம், நாளை காலை 10.30 மணிக்கு நடைபெற இருக்கும் சி.எம்.பி லைன் சாலை பணி துவக்க விழாவில் அப்பகுதியினர் திரளாக பங்கேற்க வேண்டும் என அழைப்புவிடுத்துள்ளார். மேலும் இந்த பணிக்காக நிதி ஒதுக்கீடு செய்த தமிழ் நாடு முதலமைச்சர் மு.க.ஸ்டாலின், சட்டமன்ற உறுப்பினர் கா.அண்ணாதுரை, இதற்காக பாடுபட்ட அனைவருக்கும் நன்றி தெரிவிப்பதாக கூறிய அவர், சி.எம்.பி லைன் சாலை தரமான சாலையாக அமையும் என்றார்.
