அதிரை BVC கைப்பந்து கழகம் நடத்திய 21ஆம் ஆண்டு மாபெரும் மின்னொளி கைப்பந்து தொடர் போட்டி அதிரை கடற்கரைத்தெரு ஜுமுஆ பள்ளி மைதானத்தில் நேற்று(27/04/2019) தொடங்கி நடைபெற்று வந்தது.
இதில் இன்று இரவு நடைபெற்ற இறுதி ஆட்டத்தில் அதிரை BVC அணியினரும், பாண்டிச்சேரி அணியினரும் மோதினர். விறுவிறுப்பாக நடைபெற்ற இப்போட்டியில் பாண்டிச்சேரி அணி வென்று முதல் பரிசான ரூ. 10,000 ஐ தட்டிச் சென்றது.
வெற்றியை நழுவவிட்ட அதிரை BVC அணி இரண்டாம் பரிசான ரூ. 8,000 ஐ தட்டிச் சென்றது. மூன்றாம் பரிசாக ரூ. 6,000 திருவாரூர் அணிக்கும், நான்காம் பரிசாக ரூ. 5,000 கீழக்கரை அணிக்கும் வழங்கப்பட்டது.
மேலும் பரிசு வென்ற அணியினருக்கு சுழற்கோப்பையும், வாழ்த்துக்களும் தெரிவிக்கப்பட்டது. இந்த இறுதி போட்டியைக் காண அதிரை கைப்பந்து ரசிகர்கள் பலர் கடற்கரைத்தெரு ஜுமுஆ பள்ளி மைதானத்தில் திரண்டிருந்தது குறிப்பிடத்தக்கது.