அதிரையில் சொத்துவரியை குறைங்க! நூலகம் கொடுங்க!!

அதிரை புதுமனை தெருவில் உள்ள சம்சுல் இஸ்லாம் சங்க அலுவலகத்திற்கு வருகைபுரிந்த பட்டுக்கோட்டை சட்டமன்ற உறுப்பினர் கா.அண்ணாதுரையை சங்க தலைவர் முகம்மது சாலிஹ், துணை தலைவர் சரபுதீன், இளைஞர் அமைப்பு தலைவர் முகம்மது தம்பி ஆகியோர் சால்வை அணிவித்து வரவேற்றனர். இதனிடையே சும்சுல் இஸ்லாம் சங்க முஹல்லாக்குட்பட்ட பகுதிகளில் முறையான சாலை, கழிவுநீர் வசதிகள் இல்லாததை சுட்டிக்காட்டிய நிர்வாகிகள், அந்த பகுதிகளுக்கு புதிய வரிவிகிதம் அதிகமாக இருப்பதாக கூறினர். மேலும் அதிக வரியை குறைப்பதுடன் புதிதாக நூலகம் அமைத்து தர வேண்டும் என கோரிக்கைவிடுத்தனர். இந்த சந்திப்பின்போது சங்க நிர்வாகிகள், தஞ்சை தெற்கு மாவட்ட திமுக பொருளாளர் எஸ்.எச்.அஸ்லம் உள்ளிட்ட முஹல்லாவாசிகள் உடனிருந்தனர்.