அதிரை இளைஞர் கால்பந்து கழகம் 28ம் ஆண்டு நடத்தும் SSM குல் முகம்மது நினைவு 23ம் ஆண்டு மாபெரும் கால்பந்து தொடர் போட்டி கடந்த 12/06/2023 திங்கட்கிழமை மாலை 5 மணியளவில் கடற்கரைத்தெரு விளையாட்டு மைதானத்தில் தொடங்கியது.
இதில் இன்று நடைபெற்ற ஆறாம் நாள் ஆட்டத்தில் இளையான்குடி அணியினரும் வெஸ்டர்ன் FC அதிரை அணியினரும் மோதினர்.
ஆட்டம் ஆரம்பித்த சில நொடிகளிளேயே 3 வாய்ப்புகளை நழுவ விட்டது இளையான்குடி. லாவகமாக வந்த வாய்ப்புகளை எல்லாம் வீணடித்த இளையாங்குடிக்கு சிம்ம சொப்பனமாகவே இருந்தது WFC. இந்த நிலையில் அடுத்தடுத்து 3 கோல்களை அடித்த WSC அணியினர் அதே உத்வேகத்தோடு மீண்டும் ஒரு கோல் அடிக்க முனைப்பு காட்டிய நிலையில் ப்பீப்பீ ஊதி ஆட்டத்தை முடித்து வைத்தார் நடுவர்.
இந்த ஆட்டத்தில் சிறப்பாக விளையாடிய WFC வீரர் சாதஸ் கானுக்கு கடற்கரைத்தெரு தீனுல் இஸ்லாமிய இளைஞர் நற்பணி மன்றம் சார்பில் சிறப்பு பரிசாக ஊக்கத்தொகை வழங்கப்பட்டது.
நாளைய தினம்(18/06/2023) விளையாட வேண்டிய அணிகள் :
டான் போஸ்கோ மதுரை vs கலாகோ தஞ்சாவூர்
இடம் : கடற்கரைத்தெரு விளையாட்டு மைதானம்
