சமீபத்தில் அதிரை நகர திமுகவை நிர்வாக வசதிக்காக கிழக்கு, மேற்கு என இரண்டாக பிரித்து அக்கட்சியின் தலைமை அறிவிப்பு வெளியிட்டது. அதில் 14 வார்டுகளை உள்ளடக்கிய அதிரை மேற்கு நகரத்திற்கு முன்னாள் பேரூர்மன்ற தலைவரும் மாவட்ட பொருளாளருமான S.H.அஸ்லத்தை பொறுப்பாளராக அக்கட்சியின் தலைமை நியமித்துள்ளது. இந்தநிலையில், அதிரையில் உள்ள தனது மாவட்ட பொருளாளர் அலுவலகத்தை நகர கழக அலுவலகமாக அஸ்லம் மாற்றி இருக்கிறார்.
கூடிய விரைவில் மக்களவை தேர்தல் தேதி அறிவிக்கப்பட இருக்கும் சூழலில் இந்த மாற்றம் அதிரை அரசியலில் முக்கியத்துவம் வாய்ந்ததாக கருதப்படுகிறது. மேலும் தேர்தல் பணிக்காக விரைவில் வார்டு வாரியாக பொறுப்பாளர்களையும் அஸ்லம் நியமிக்க இருப்பதாக தகவல்கள் தெரிவிக்கின்றன.
