2014ம் ஆண்டு மத்தியில் பாஜக ஆட்சிக்கு வந்தது முதல் குடியுரிமை திருத்தம் சட்டம், முத்தலாக் தடை சட்டம் உள்ளிட்ட சிறுபான்மை சமூகத்திற்கு எதிரான சட்டங்களை நிறைவேற்றி அச்சமூகத்தை அச்சத்துடனே வைத்திருக்கிற முயல்கின்றனர். உத்தரபிரதேசம் போன்ற பாஜக ஆளும் மாநிலங்களில் சிறுபான்மை மக்களின் வீடுகளை புல்டோசர் கொண்டு இடித்து அகற்றுகின்றனர். இதனை தொடர்ந்து முஸ்லீம்களின் வக்ப் சொத்துக்களை கபளேகரம் செய்யும் வகையில் வக்ப் திருத்த சட்டத்தை நாடாளுமன்றத்தில் நிறைவேற்ற பாஜக துடிக்கிறது. இதற்கு திமுக தலைவரும் தமிழ்நாடு முதலமைச்சருமான மு.க.ஸ்டாலின் உள்ளிட்ட தலைவர்கள் கடும் கண்டனங்களை தெரிவித்துள்ளனர்.
இதனிடையே அதிரையில் அனைத்து தரப்பு மக்களும் பயன்பெறும் வகையில் 1983ம் ஆண்டு மருத்துவமனை கட்டுவதற்காக அதிரை ரூரல் டெவலப்மெண்ட் அசோசேசன் எனும் சங்கத்தின் பெயரில் உரிய தொகை கொடுத்து அரசிடமிருந்து நிலத்தை கிரயத்திற்கு வாங்கியுள்ளனர். இந்த பட்டா நிலத்தில் பன்நோக்கு உயர் மருத்துவமனையை கட்டவிடாமல் ஆரம்பம் முதலே வீரகணேஷன், இராம.குணசேகரன் மற்றும் சிலர் பல்வேறு இடையூர்களை ஏற்படுத்தி வருகின்றனர்.
தொடர்ச்சியான சட்ட போராட்டம் மற்றும் கொரோனா ஊரடங்கிற்கு பிறகு பன்நோக்கு உயர் மருத்துவமனை கட்டுவதற்கான பூர்வாங்க பணியை கடந்த 2023ம் ஆண்டு துவக்கிய அர்டா அமைப்பு, முதற்கட்டமாக தனது பட்டா நிலத்தில் காம்பவுண்ட் சுவர் கட்டியது. அந்த சமயத்தில் அங்கு சென்ற இராம.குணசேகரன் தலைமையிலான கும்பல், கட்டுமான பணியை செய்யவிடாமல் தடுத்து நிறுத்தியதுடன் பணியில் இருந்தவர்களை அங்கிருந்து மிரட்டி விரட்டினர். அப்போது அங்கிருந்த பத்திரிகையாளரும் சமூக ஆர்வலருமான முகம்மது சாலிஹை அவர்கள் தாக்க முயன்ற சம்பவத்தின் வீடியோ ஆதாரம் வெளியாகி அதிரையர்களை கொந்தளிக்க செய்தது.
பின்னர் அர்டா அமைப்புக்கு எதிராக உயர்நீதிமன்றத்தில் நகராட்சி தரப்பில் வழக்கு தொடுக்கப்பட்டு அதிரை மக்களின் வரி பணம் பல லட்சம் ரூபாயை செலவு செய்தனர். இதில் நகராட்சிக்கு சாதகமாக எந்த ஒரு முகாந்திரமும் இல்லாததால் உயர் அதிகாரிகளின் அறிவுறுத்தலால் அந்த வழக்கை நகராட்சி ஆணையர் வாபஸ் பெற்றார். இதனால் அதிரை மக்களின் வரிப்பணம் பல லட்சம் ரூபாய் வீணானது.
இந்த நிலையில், தற்போது அர்டா நிலத்திற்கு எதிராக அதிரை நகர பாஜக தலைவர் வடிவேலுடன் கூட்டுச்சேர்ந்து பகுருதீன் மற்றும் அன்சர்கான் ஆகியோர் அரசு உயர் அதிகாரிகளுக்கு மனு கொடுத்துள்ளனர்.
நாட்டில் இஸ்லாமிய மக்களின் தர்ம காரியத்திற்கான (வக்ப்) சொத்துக்களின் உரிமையும் பாதுகாப்பும் கேள்விக்குரியாகி வரும் நிலையில், அதிரையில் சிறுபான்மை மக்களால் நடத்தப்படும் அர்டா சங்கத்தின் பட்டா நிலத்தை கபளேகரம் செய்ய பாஜகவுடன் கூட்டுச்சேர்ந்து பகுருதீன் மற்றும் அன்சர்கான் ஆகியோர் அரசு உயர் அதிகாரிகளுக்கு மனு தொடுத்திருக்கும் சம்பவம் சிறுபான்மையினர் மத்தியில் அதிர்ச்சியை ஏற்படுத்தியுள்ளது.
