தமிழகத்தில் இரண்டாம் சுற்று வடகிழக்கு பருவமழை தீவிரமடைந்துள்ளது. குறிப்பாக கடந்த ஒரு வார காலமாக டெல்டா மாவட்டங்களில் மழை தீவிரமடைந்துள்ளது.
அதன்படி டெல்டா மாவட்டங்களான தஞ்சாவூர், திருவாரூர், நாகப்பட்டினம், மயிலாடுதுறை மாவட்டங்களில் கடந்த சில நாட்களாக கனமழை பெய்து வருகிறது. தஞ்சை மாவட்டத்தில் குறிப்பாக பட்டுக்கோட்டை, மதுக்கூர், ஈச்சன்விடுதி, அதிராம்பட்டினம், பேராவூரணி ஆகிய பகுதிகளில் கனமழை பெய்து வருகிறது.
கடந்த சனி, ஞாயிறு, திங்கள் ஆகிய தினங்களில் அதிராம்பட்டினத்தில் மழை பெய்த நிலையில், நேற்று முற்பகல் முதல் மழை குறைந்து இயல்பாக இருந்தது. இந்நிலையில் நேற்று இரவு 10 மணிமுதல் மீண்டும் மழை பெய்ய தொடங்கியது. தொடர்ந்து இரவு முழுவதும் லேசாக பெய்த மழை, இன்று காலை முதல் மிதமான மழையாக தொடர்ந்து பெய்து வருகிறது.
நேற்று இரவிலிருந்து மழை தொடர்ந்து பெய்து வந்தாலும், அதிரையில் பெரும்பாலான பள்ளிகளுக்கு விடுமுறை அறிவிக்கப்படவில்லை. இத்தொடர் மழையால் பொதுமக்களின் இயல்பு வாழ்க்கை பாதிக்கப்பட்டுள்ளது. இந்நிலையில் டெல்டா(வேதாரண்யம்) தொடங்கி நெல்லை(மாஞ்சோலை) பெல்ட் வரை கனமழை தொடரும் என தனியார் வானிலை ஆய்வாளர் பிரதீப் ஜான் தெரிவித்துள்ளார்.
புதன்கிழமை(20/11/24) காலை 11.30 மணி நிலவரப்படி அதிரையில் எடுக்கப்பட்ட புகைப்படங்கள் :
