அதிரையில் சாலைப்பணியின் போது கம்ப்ரசருக்கு,பதிலாக வேக்வம் இயந்திரத்தை பயன்படுத்த வேண்டும் !

- Advertisement -

நகராட்சிக்கு ASWA கோரிக்கை !

அதிராம்பட்டினம் சோசியல் வெல்ஃபர் அசோசியேசன் (ASWA) சார்பில் சமூகம் சார்ந்த நல்லறங்களை செய்து வருகிறது. கடந்த சில நாட்களுக்கு முன்னர் கொசு ஒழிப்பில் மும்முரமாக செயல்பட கோரிக்கை மனு அளிக்கப்பட்டது.

இந்த நிலையில் அதிரையில் பல இடங்களில் தார் சாலை மேம்பாட்டு பணிகள் நடைபெறுகிறது.

இதற்காக பழைய சாலைகளில் உள்ள மணல், தூசுக்களை அகற்ற கம்ப்ரசர் இயந்திரத்தை பயன்படுத்தி வருகிறார்கள் இதனால் இதனால் அப்பகுதியில் உள்ள சுவாச நோயாளிகள், குழந்தைகள், முதியவர்கள் என பலரும் உபாதைக்கு உள்ளாகி வருகிறார்கள்.

இதனை கருத்திற்கொண்டு இனி வரும் காலங்களில் கம்ப்ரசருக்கு பதிலாக வேக்குவம் இயந்திரத்தை பயன்படுத்த வேண்டும் என இன்று கோரிக்கை மனு அளிக்கப்பட்டது.