தமிழ்நாட்டிலேயே அதிரை மேற்கு நகரம் தான் நம்பர் ஒன்.! எம்.எல்.ஏ புகழாரம்..!!

கலைஞரின் நூற்றாண்டு நிறைவு விழாவை திமுகவினர் கொண்டாடி வருகின்றனர். இந்நிலையில் அதிரையில் திமுக மேற்கு நகர பொறுப்பாளர் S.H.அஸ்லம் சார்பில் கலைஞரின் நூற்றாண்டு நிறைவு நிகழ்ச்சிக்கு ஏற்பாடு செய்திருந்தனர். இந்த நிகழ்வில் பட்டுக்கோட்டை சட்டமன்ற உறுப்பினரும் அக்கட்சியின் தஞ்சை தெற்கு மாவட்ட செயலாளருமான கா.அண்ணாதுரை கலந்துக்கொண்டார்.

முன்னதாக ஜாவியா நிறைவு நாளையொட்டி ஜாவியா மஜ்லிஸ் முடிந்து வெளியே வந்த ஆயிரக் கணக்கானோரை சந்தித்து கடந்த தேர்தலில் திமுகவுக்கு  வாக்களித்ததற்கு நன்றி தெரிவித்தார்.

இதனையடுத்து மார்க்கெட் சாலை அருகில் திமுக கொடியை ஏற்றி வைத்து பேசிய அவர், கடந்த நாடாளுமன்ற தேர்தலில் தமிழகத்திலேயே சதவீத அடிப்படையில் அதிகபட்சமாக 90% வாக்குகளை உதயசூரியனுக்கு அளித்து அதிரை மேற்கு நகர மக்கள் மகத்தான வெற்றியை பரிசளித்திருப்பதாக கூறினார்.  இதனால் அதிரையின் வளர்ச்சிக்கு திராவிட மாடல் அரசு துணை நிற்கும் என்றும் இஸ்லாமிய மக்களுக்கு எப்போதும் திமுக கடமைப் பட்டிருப்பதாகவும் கா.அண்ணாதுரை தெரிவித்தார்.