நாடாளுமன்ற தேர்தல் 2024 தேர்தல் தேதி குறித்து அறிவிப்பு வரவிருக்கும் நிலையில் பல்வேறு அரசியல் கட்சிகள் தொடர்ந்து கூட்டணி குறித்தும், மக்களிடம் பெரும் அளவில் ஆதரவை திரட்டுவது குறித்தும் பல்வேறு முயற்சிகளில் ஈடுபட்டு வருகின்றனர்.
இந்நிலையில் அகில இந்திய காங்கிரஸ் கமிட்டியின் சார்பில் நாடாளுமன்ற தேர்தலில் போட்டியிடும் முதல் கட்ட வேட்பாளர்களின் பட்டியலை அக்கட்சியின் முதன்மை செயலாளர் K.C.வேணுகோபால் வெளியிட்டுள்ளார்.
அந்த பட்டியலில் நாடாளுமன்ற தேர்தலில் கேரளா, தெலுங்கானா,சண்டிகர், கர்நாடகா, திரிபுரா, சிக்கீம், நாகாலாந்து, மேகாலயா, லக்ச்சதீப் ஆகிய மாநிலங்களின் வேட்பாளர்கள் பட்டியல் மட்டும் முதற்கட்டமாக வெளியிடப்பட்டுள்ளது.
இனி வரக்கூடிய நாட்களில் திமுக கூட்டணியில் தமிழகத்தில் போட்டியிடும் காங்கிரஸ் கமிட்டியின் வேட்பாளர்கள் பட்டியல் விரைவில் வெளியாகும் என எதிர்பார்க்கப்படுகிறது அக்கட்சியின் வட்டாரங்கள் தெரிவிக்கின்றனர்.
