மாவட்ட மாநாடு! உதயநிதி ஸ்டாலின் வருகை!! பம்பரமாய் சுழன்ற அதிரையர்!

தமிழ்நாடு முழுவதும் மறைந்த முன்னாள் முதலமைச்சர் கருணாநிதியின் நூற்றாண்டு விழா அரசு சார்பிலும் திமுக தரப்பிலும் கொண்டாடப்பட்டு வருகிறது. இதன் ஒரு பகுதியாக இன்று பட்டுக்கோட்டையில் தஞ்சை தெற்கு மாவட்ட திமுக செயலாளர் கா.அண்ணாதுரையின் ஏற்பாட்டில் திமுக முன்னோடிகளுக்கு பொற்கிளி வழங்கும் நிகழ்ச்சி நடைபெற்றது. அமைச்சர் அன்பில் மகேஷ் பொய்யாமொழியின் தலைமையில் நடைபெற்ற இதில் திமுக இளைஞர் அணி செயலாளரும் அமைச்சருமான உதயநிதி ஸ்டாலின் பங்கேற்றார்.

இந்த நிகழ்ச்சியை தஞ்சை தெற்கு மாவட்ட திமுக பொருளாளரும் அதிரை முன்னாள் சேர்மனுமான எஸ்.எச்.அஸ்லம் ஒருங்கிணைத்தார். முன்னதாக தலைமை செயற்குழு உறுப்பினரும் மாநில வர்த்தக அணி துணை தலைவருமான பழஞ்சூர் கு.செல்வம் இல்ல திருமண விழாவிலும் உதயநிதி ஸ்டாலின் பங்கேற்று மணமக்களை வாழ்த்தி திருமணத்தை நடத்தி வைத்தார்.