கடந்த 1ம் தேதி கிருஷ்ணகிரி கிழக்கு மாவட்டம் ஓசூரில் பாஜக மாநில பொதுச் செயலாளர் நரேந்திரன் அவர்களின் கார் காணாமல் போனது. திருடப்பட்ட கார் ஊத்தங்கரை பகுதியில் இருப்பதாக தமிழ்நாடு கார் வியாபாரிகள் மற்றும் ஆலோசனையாளர்கள் சங்க நிர்வாகிகள் தமிழ்நாடு முஸ்லிம் முன்னேற்ற கழகத்தின் ஊத்தங்கரை நகர தலைவர் ரசூல் பாஷா மற்றும் வியாபாரிகள் சங்க நிர்வாகிகளிற்கு அளித்த தகவலின் பேரில் தேடுதலில் ஈடுபட்டனர்.
திருடப்பட்ட காரை பிடிக்க முயன்ற தமுமுக மற்றும் வியாபாரிகள் சங்க நிர்வாகிகள் மீது மோதும் விதமாக கார், சிங்காரபேட்டை வழியாக வேகமாக சென்றதையடுத்து சிங்காரபேட்டை தமுமுக-வினருக்கு தகவலளிக்கப்பட்டு
பாம்பாறு அணை அருகில் காரை மடக்கி பிடித்தனர். இதில் காரை கடத்தலில் ஈடுபட்ட இரண்டு பேர் பிடிபட்ட நிலையில் ஒருவர் தப்பி ஓடிவிட்டார்.
