- Advertisement -
பட்டுக்கோட்டையில் இருந்து அதிராம்பட்டினம் வழியாக முத்துப்பேட்டைக்கு 12A, 12B, 12C ஆகிய எண்களில் பல ஆண்டுகளாக அரசு போக்குவரத்துக்கழகம் சார்பில் பேருந்துகள் இயக்கப்பட்டு வருகின்றன.
இந்நிலையில் பட்டுக்கோட்டையில் இருந்து அதிராம்பட்டினம் வழியாக முத்துப்பேட்டை செல்லும் 12C பழைய பேருந்து மாற்றப்பட்டு புதிதாக வாங்கப்பட்ட நீல நிற பேருந்து இத்தடத்தில் இயக்கப்பட உள்ளது.
அந்த வகையில் 12C புதிய நீல நிற பேருந்து சேவையின் துவக்கவிழா பட்டுக்கோட்டை பேருந்து நிலையத்தில் இன்று வியாழக்கிழமை நடைபெற்றது. அப்போது பேருந்து சேவையை பட்டுக்கோட்டை சட்டமன்ற உறுப்பினரும் தஞ்சை தெற்கு மாவட்ட திமுக செயலாளருமான கா. அண்ணாதுரை எம்எல்ஏ கொடியசைத்து தொடங்கி வைத்து பேருந்தில் பயணித்தார். இந்நிகழ்வில் அரசியல் கட்சியினர், போக்குவரத்து கழக அதிகாரிகள் பலர் கலந்துகொண்டனர்.
