அதிரை இளைஞர் கால்பந்து கழகம் 28ம் ஆண்டு நடத்தும் SSM குல் முகம்மது நினைவு 23ம் ஆண்டு மாபெரும் கால்பந்து தொடர் போட்டி கடந்த 12/06/2023 திங்கட்கிழமை மாலை 5 மணியளவில் கடற்கரைத்தெரு விளையாட்டு மைதானத்தில் தொடங்கியது.
இதில் நேற்று நடைபெற்ற ஒன்பதாம் நாள் ஆட்டத்தில் செயின்ட் ஜோசப் திருச்சி அணியினரும் காளீஸ்வரா 7s காரைக்குடி அணியினரும் மோதினர். விறுவிறுப்பாக நடைபெற்ற இவ்வாட்டத்தில் இரு அணிகளுமே 1-1 என்ற கோல் கணக்கில் சமநிலையில் ஆடி முடித்தனர். பின்னர் நடைபெற்ற ட்ரைபிரேக்கரில் செயின்ட் ஜோசப் திருச்சி அணி, காளீஸ்வரா 7s காரைக்குடி அணியை வீழ்த்தி வெற்றி பெற்றது.
